11^e INTERCON — Incontro Brasilian de Interlingua

Sobradinho (DF), de 20 a 22 de julio 2001.

Breve reporto

1. Le Apertura non ha occurrite in le Theatro. Le organisatores debeva transferer lo al Camera del UBI, situate in le Quadra 5. Al ultime momento, le officieros theatral exigeva un taxa de 30 reais per hora pro ceder le spatio. Nos lo refusava immediatemente!
2. Uno legeva salutationes veniente ab diverse paises e personas in le mundo.
3. Nostre sede national era presentate per medio de numeros musical (guitarras).
4. Nos sapeva del Reportos del Representantes. Alicun Representantes non ha inviate lor reportos, lo que demonstra esser un facto lamentabile de non-responsabilitate.
5. Le presentes decideva indicar duo nove personas pro le postos directive del UBI:
   • como Secretario, Tarcisio de Oliveira e
   • como Tresorero, Julio Cesar Alvarenga.
   Nos ancora non registrava le Acta in le Notario.
6. Additionalmente uno decideva:
   1. render INTERNOVAS un revista que appare quando possibile e necessari, conforme le ressources del UBI;
   2. render le INTERCONs biennal, desde 2002. Isto significa que nos va reunir nos in julio 2002; totevia le sequente Incontro sera solmente in julio de 2004.
7. UBI ha livrate Certificatos pro 5 (cinque) alumnos approbate in le Examines Basic.
8. Nos ha nulle indication del citate pro reunir nos le proxime anno. Esque vos indica vostre citate como candidato?
9. Importante: In le septimana passate UBI ha cambiate su adresse. Le linea telephonic sera equalmente cambiate. Ancora iste septimana le Presidente va inviar a totes qui ha adresses electronic le nove adresse postal.
10. Finalmente, uno decideva retornar al precios ancian del quota annual. Nunc le associato al UBI debe pagar 20 reais. Totevia, le precio pro le abonamento al UMI/Panorama se altiava verso 30 reales.
11. Le Directoria va usar preferibilemente le rete international electronic pro communicar se per Circulares con le Representantes del UBI. Qui non ha adresse electronic va reciper — quando disponibile nostre cassa — le mesme informationes per via postal.
12. In octobre nos intende instruer interlingua in 2 nivellos (2 classes): basic e intermediari. Vos pote equalmente instruer Interlingua in vostre citate.

Ramiro Barros de Castro,
Sobradinho, lunedi, 13 de augusto 2001.